Rannsóknarstaðir

Starfsemi ICEBERG verður á þremur stöðum: Vestur-Svalbarða (Nýja-Álasundi og Sørkapplandi), á Norðurlandi (Akureyri og Húsavík) og Suður-Kalaallit Nunaat (Grænlandi) (Narsaq, Qaqortoq og Nanortalik). Þessir þrír staðir voru valdir vegna þess að þeir verða fyrir skaðlegum áhrifum loftslagsbreytinga og mengunar.

Rannsóknirnar þrjár eru svipaðar vegna smæðar samfélaganna og að hve miklu leyti þau byggja afkomu sína á fiskveiðum og ferðamennsku. Þessir staðir hafa allir upplifað sprengingu í ferðamennsku á norðurslóðum og eru afar vinsælir áfangastaðir skemmtiferðaskipa, sem hefur haft merkjanleg áhrif á umhverfið.

ICEBERG-verkefnið mun þróa mengunareftirlitsbúnað og hanna viðnámsaðferðir í samstarfi við samfélögin í Kalaallit Nunaat (Grænlandi) og á Íslandi.

Kalaallit Nunaat (Grænland)

Suðurhluti Grænlands, sér í lagi í kringum Qarqortoq, Narsaq og Nanortalik, er afar áhugavert rannsóknarsvæði. Hér munu rannsóknaraðilar geta fylgst með mengun og lífjarðefnafræðilegum ferlum í straumum frá Norður-Atlantshafi til Labradorhafs. Fjölbreytt lífsviðurværi og atvinnustarfsemi, m.a. landbúnaður, fiskveiðar, veiðar, söfnun og ferðamennska auk menningarlegs fjölbreytileika, t.d. inúítasamfélaga í Grænlandi og hagsmunaaðila á staðnum sem auka fjölbreytnina á svæðinu og eru miðpunktur þekkingaröflunar varðandi áhrif loftslagsbreytinga og mengunar á samfélögin og vistkerfin, auk þróunar aðferða til aðlögunar og til að draga úr þessum áhrifum.

Ísland

Jöklar á Íslandi bráðna hratt sem leiðir til breytinga á landslagi og helstu jökuláa sem renna í firðina, bæði við Akureyri og Húsavík. Áhrif loftslagsbreytinga á sjóinn norðan við Ísland og strandsvæðin auka á súrnun sjávar, útbreiðslu ágengra tegunda og mengun frá skipaumferð, þ.m.t. skemmtiferðaskipum, togurum og hvalaskoðunarskipum, sem hafa áhrif á fiskveiðar, ferðamennsku og framleiðslu landbúnaðarafurða á Akureyri og Húsavík.

Svalbard

Hröð bráðnun freðhvolfsins (snjóbreiðu, sífrera og sjávaríss) á eyjaklasa Svalbarða hefur aukið á innstreymi Atlantshafsstrauma á norðurslóðum. Suður-Spitsbergen (Sørkapplandi) er eitt af rannsóknarsvæðum okkar á Svalbarða, þar sem það er fyrsta mögulega uppsöfnunarsvæði sjávarrusls sem borið er með hafstraumum. Rannsóknir á þessu svæði munu auðvelda söfnun samanburðargagna um mengun. Á hinu rannsóknarsvæði okkar í Norður-Spitspergen munu rannsóknir okkar bæta við langtímamælingar á hraðri bráðnun jökla og snjóbreiðu.

Skráðu þig á vísindavettvang fyrir íbúa

Við munum fljótlega opna vettvang fyrir alla íbúa sem taka þátt í rannsóknum okkar. Vettvangurinn verður tengdur við vefsvæðið okkar innan skamms.
Fáðu áskrift að fréttabréfinu okkar Fáðu áskrift að fréttabréfinu okkar

Fáðu áskrift að fréttabréfinu okkar og fáðu fréttir af framvindu verkefnisins.

Skrá sig á

Hafa samband

Vísindalegur samhæfingarstjóri

Próf. Thora Herrman
University of Oulu
thora.herrmann@oulu.fi

Verkefnisstjóri

Dr. Élise Lépy
University of Oulu
elise.lepy@oulu.fi

Samskipti

Paavo Antikainen
Kaskas
paavo.antikainen@kaskas.fi

Innovative Community Engagement for Building Effective Resilience and Arctic Ocean Pollution-control Governance in the Context of Climate Change

ICEBERG has received funding from the European Union's Horizon Europe Research and innovation funding programme under grant agreement No 101135130

Persónuverndarstefna