Tatigeqatigiinnermut politikki

Nalinginnaasumik

Nammineq inuttut inuunerit ataqqivarput pingaartillugulu, aamma illersornissaanut pisussaatitaavugut. Paasissutissanik inunnut tunngasunik sunik katersisarnerput, paasissutissanik suliarinninnermi tunngaviit suut pingaarnerpaatinnerivut aamma paasissutissanut ilinnut tunngasunut atatillugu sunik pisinnaatitaaffeqarnerit pillugit paasissutissanik tatigeqatigiinnermut politikkimi matumani allassimasoqarpoq.

Tatigeqatigiinnermut politikki una aamma inatsisit atuuttut malillugit University of Oulu-p aamma Kaskas Media Oy-ip paasissutissat ilinnut tunngasut suliarissavai, taamaammat qinnuigaatsigit politikki una peqqissaartumik atuassagit. Suliniutitsinnik ineriartortitsinermut imaluunniit inatsimmi atuuttumi allannguuteqartoqarneranut atatillugu tatigeqatigiinnermut politikki una ilaannikkut nutartertarsinnaavarput.

Tatigeqatigiinnermut politikki una naapertorlugu nittartakkatsinnik atuigaangavit imaluunniit uagutsinnut attaveqaraangavit paasissutissanik ilinnut tunngasunik suliaqarnissarput akuerisarpat.

Tatigeqatigiinnermut tunngasutigut kimut saaffiginnissinnaavunga

Paasissutissanut akisussaasuuvoq: University of Oulu, Pentti Kaiteran katu 1, 90570 Oulu, Finland
Attaveqarfissamut paasissutissat:
Aqqa: Élise Lépy
Atorfiup taaguutaa: Ilisimatooq
Email: elise.lepy@oulu.fi

Paasissutissanik suliarinnittuuvoq: Kaskas Media Oy, Mechelininkatu 3 D, 00100 Finland

Attaveqarnissamut paasissutissat
Aqqa: Paavo Antikainen
Atorfiup taaguutaa: Attaveqarnermut immikkut ilisimasalik
Email: paavo.antikainen@kaskas.fi

Suna siunertaralugu paasissutissat inunnut tunngasut katersorneqarsinnaappat atorneqarlutillu?

Siunertanut ilisimatitsissutigineqareersimasunut taamaallaat paasissutissat ilinnut tunngasut katersortarpavut, toqqorsimasuutigisarpavut suliarisarlugillu. Paasissutissanik inunnut tunngasunik suliaqarnermi siunertarineqartut pingaarnerit tassaapput:

  • Suliniutit pillugit attaveqaqateqarneq (nutaarsiassat aamma pisussamut qaaqqusinerit) aamma attaveqalernissaq pillugu qinnuiginninnernut akissuteqarneq.

Uanga pillunga aamma sumit paasissutissat katersorpigit?

Illit uagutsinnut attaviginnikkavit imaluunniit kiffartuussissutitsinnik atuigaangavit paasissutissat ilinnut tunngasut, ilinnit pisimasavut, pingaarnertut katersortarpavut. Tamatuma saniatigut kikkunnit tamanit iserfigineqarsinnaasunit aamma nalunaarsuutinit, soorlu suliniaqatigiiffiit nittartagaannit aamma inoqatinut attaveqaatinit paasissutissanik ilinnut tunngasunik katersisinnaavugut. Aamma Google Analyticsimik suleqateqarnikkut nittartakkatsinnut isersimasut pillugit paasissutissanik katersisarpugut, taamaalilluta nittartakkatsinnik atuineq misissuiffigisinnaavarput, ineriartorteqqissinnaavarput aammalu sullitatsinnut nittartakkatsinnullu isertartunut naleqquttunik nittarsaassinissaq siunertaralugu naleqqussarsinnaallugu.

Paasissutissat ilinnut tunngasut ilinnit pissarsiarisassavut ukuunerusinnaapput:

  • Ateq
  • Email adresse
  • Oqarasuaatip normua

Inuit pisortani sulisut imaluunniit suliniummik suliaqarnissamut naleqqussinnaasut pillugit inuit pillugit paasissutissat kikkunnit tamanit pissarsiarineqarsinnaasunit pissarsilluta taakkuninnga suliaqarsinnaavugut:

  • Ateq
  • Email adresse
  • Oqarasuaatip normua

Paasissutissat ilinnut tunngasut suliarinissaannut suna tunngaviua

Paasissutissanik ilinnut tunngasunik suliarinninnermi inatsisilerinikkut tunngaveqartuaannarnissarput isumagissavarput. Assigiinngitsunik tunngaveqarluta paasissutissat ilinnut tunngasut suliarisinnaavavut. Aappaattut, inatsisinut naapertuuttumik ingerlanissamik soqutigisaqarnerput tunngavigalugu paasissutissat ilinnut tunngasut suliarisinnaavavut, tassa ilisimatusarnermi nittartakkatsinnik nutaarsiassaatitsinnillu ingerlatsinermi ineriartortitsinermilu.

Paasissutissat uannut tunngasut kia suliarissavai aamma allanut ingerlateqqinneqassappat?

Pingaarnertut paasissutissat ilinnut tunngasut suliniutitsinni inunnit suleqatigisatsinnit suliarineqassapput. Aamma suliarinninnermi paasissutissat ilaat allanut suliakkiissutigisinnaavavut, soorlu paasissutissaasivinnut, paasissutissanik inunnut tunngasunik toqqorsimasuuteqarnermi suliarinninnermilu atugassanut (MailChimp, Google Drive) suliakkiissutigisinnaallutigit. Taamatut pisoqartillugu paasissutissat ilinnut tunngasut isertuunneqarnissaat aamma paasissutissat inatsisitigut eqqortumik suliarineqarnissaat isumaqatigiissutitigut allatigullu qulakkeertarpavut. Aamma allatigut isumaqatigiissuteqarnermi inatsisilerinermilu pisussaaffivut naammassiniarlugit paasissutissanik ingerlatitseqqissinnaavugut, imaluunniit inatsisilerinikkut oqartussaasut ingerlatitseqqinnissamik piumasaqarpata paasissutissanik ingerlatitseqqissinnaavugut.

Internet atorlugu kiffartuussissutinik atuinermi paasissutissat misissorniarlugit aammalu paasissutissat katersorneqarsimasut misissoqqissaarniarlugit nittartakkakkut kiffartuussissummik ineriartortitsinermi pitsaassutsimillu nakkutilliinermi Google Analytics atorneqartarpoq. Isersimasut inuttut ataasiakkaatut kinaassusersineqarneq ajorput. Suliffeqarfiup IP-adressia suna tunngavigalugu atuisoq atuinersoq paasiniarlugu aamma atuisoq nunami sumiinnersoq paasiniarlugu IP-adresse atorneqarsinnaavoq. Google Analytics pillugu paasisaqarnerorusukkuit. Cookiesinik atuinnginnerup kingunerisaanik nittartakkamik atuiniarneq aamma nittartakkakkut kiffartuussissutini kiffartuussissutinik pissarsiniarneq sunnerneqarsinnaapput. Nittartakkamik atuinikkut paasissutissanik ilinnut tunngasunik suliarinnittoqarsinnaanera akuerissavat.

Tamatuma saniatigut ILULIAQ-p nittartagaa community plug-in-inik allaneersunik peqarpoq: assersuutigalugu MailChimp, Instagram, Twitter, Facebook, LinkedIn aamma YouTube. Community plug-in-it ILULIAQ nittartakkakkut kiffartuussissutaani takuneqarsinnaapput, imarisaali kiffartuussisup nammineq serverianit toqqaannartumik aaneqassapput. Inoqatinut attaveqaatinut attavininniarluni Community plug-in-it kiffartuussissutit pillugit paasissutissat atuisunit atorneqartut paasissutissanik nakkutilliinissaq siunertaralugu kiffartuussissutinut allanut pineqartunut nuunneqassapput. ILULIAQ nittartakkakkut kiffartuussissut inoqatinut attaveqaatitigut atuisut pillugit paasissutissanik nassiussineq ajorpoq.

Paasissutissat uannut tunngasut EU-p avataanut ingerlateqqinneqartarpat

Nalinginnaasumik paasissutissat ilinnut tunngasut EU-p avataanut ingerlateqqinneqarnavianngillat. Serveritta ilaat paasissutissanik pigisatsinnik toqqorsimatitsiffiusartut EU-p avataaniippata aatsaat ingerlatitseqqittoqarsinnaassaaq (assersuutigalugu Mailchimp, Google Drive, Microsoft Teams). Taamatut pisoqartillugu naapertuuttumik isumannaallisaaneq eqqarsaatigalugu paasissutissat ilinnut tunngasut inatsisinut naapertuuttumik ingerlateqqinneqarlutillu suliarineqarnissaat isumagissavarput.

Qanoq sivisutigisumik paasissutissat uannut tunngasut toqqorsimasuutigineqassappat?

Siunertarineqartoq eqqarsaatigalugu taamaallaat pisariaqarfiatigut paasissutissat ilinnut tunngasut toqqorsimasuutigissavavut. Paasissutissat inunnut tunngasut tamarmik suliniutip naammassereerneraniit ukiut tallimat qaangiutinnginnerini peerneqarumaarput. Aamma paasissutissat ilinnut tunngasut nutartertarnissaat siunertaraarput.

Paasissutissat uannut tunngasut qanoq toqqorsimasuutigineqartarpat aamma qanoq isumannaatsumik toqqorsimasuutigineqartarpat?

Paasissutissat ilinnut tunngasut kiffartuussisutsinnit serverinut toqqorneqassapput, taakku suliffissuaqarfinni nalinginnaasumik atorneqartartut suleriaaserineqartullu naapertorlugit qularnaarneqarput. Paasissutissat ilinnut tunngasut isertuullugit suliarisarpavut aamma pilersuisutsinnik isumaqatigiissuteqarsimanerput tunngavigalugu sulinerminnut atatillugu paasissutissanik pisariaqartitsisunut taamaallaat ingerlatitseqqittarpugut imaluunniit isertuuttarlugit. Atuisutut aalajangersimasunik isertaateqarnikkut, isissutissaqarnikkut aamma atuisutut pisinnaatitaaffeqarnikkut paasissutissanik ilinnut tunngasunik pissarsisinnaaneq illersorneqarpoq.

Nittartakkat cookiesinik atuisarpa aamma taakku suuppat?

Nittartakkatsinnut isertut sapinngisamik pitsaanerpaamik atuisutut misigisaqarnissaat anguniarlugu nittartakkatsinni cookiesinik atuisarpugut. Cookiesit allanneeraapput, taakkulu internetikkut atuisut qarasaasiaannut inissinneqartarput, aamma taakku atuisumut nittartakkallu iluani iserfissamut attuumassuteqarlutik paasissutissanik ikittuinnarnik imaqartussatut ilusilersorneqarsimapput.

Atuisut nittartakkatsinnik qanoq atuinerat pillugit cookiesit paasissutissiisarput. Nittartakkatsinnik ineriartortitsiniarluta, nittartakkamik atuisutsinnik misissuiniarluta kiisalu siunnerfeqartumik pitsaanerpaamillu nittarsaaniarluta cookiesinik atuisarpugut. Cookiesinik perusunngikkuit webbrowserinni atorunnaarsissinnaavatit. Inussiarnersumik malugeqquarput browserit amerlanerit cookiesinik namminneq akuersisarmata. Cookiesinik atuiunnaaruit nittartakkatsinni kiffartuussissutit ilaannik eqqortumik atuisinnaajunnaarsinnaanerit paasisariaqarpat.

Paasissutissanut uannut tunngasunut qanoq pisinnaatitaaffeqarpunga

Akuersinerit atorunnaarsiguk
Uagutsinnut nalunaarnikkut, assersuutigalugu inummut attaveqaataasumut e-mailimik nassiussinikkut akuersissutinnik atorunnaarsitsisinnaavutit.

Paasissutissanik pissarsisinnaaneq
Paasissutissat ilinnut tunngasut suliarinerivut paasisinnaatitaavat aamma illit pillutit paasissutissanik sunik peqarnersugut paasisinnaatitaavat. Tamatuma saniatigut paasissutissanik suliaqarneq pillugu inatsimmi nassuiarneqartutut ilassutitut paasissutissanut tunngatillugu pisinnaatitaaffeqarputit.

Paasissutissat kukkusut aaqqitsinnissaannut pisinnaatitaaffeqarneq
Illit pillutit paasissutissanik eqqorpianngitsunik pisoqalisimasunilluunniit pigisatsinnik aaqqitsitsiniarlutit qinnuiginninnissannut pisinnaatitaaffeqarputit.

Akerliliisinnaatitaanermut pisinnaatitaaffeqarneq
Inuinnarnit soqutiginninneq imaluunniit inatsisinut naapertuuttumik ingerlataqarnissatsinnik soqutiginninnerput tunngavigalugit paasissutissat ilinnut tunngasut suliarigutsigit paasissutissat ilinnut tunngasut suliarineqarnissaannut akerliliinissamut pisinnaatitaaffeqarputit, pisinnaatitaaffinnik qaangiinnarneqarsinnaanerannik pissuteqanngippat imaluunniit suliaqarnermi inatsisitigut piumasaqaateqarfiunngitsumik ingerlanneqarsinnaappat. Inussiarnersumik malugeqquarput taamatut pisoqartillugu sullissinnaajunnaartussaavatsigit.

Suliarinninnerup killilernissaanut pisinnaatitaaffeqarneq
Taamaattoqartillugu paasissutissat ilinnut tunngasut suliarinerisa killilernissaannut pisinnaatitaaffeqarputit.

Paasissutissat nuutsinneqarnissaannut pisinnaatitaaffeqarneq
Illit akuersisimanerit imaluunniit isumaqatigiissummik naammassinninneq tunngavigalugu paasissutissat ilinnut tunngasut suliarigutsigit, paasissutissat uagutsinnut tunniussimasavit kiffartuussisumut allamut, elektroniskimut nalinginnaasumik atorneqartumut nuunneqarnissaat pillugu piumasaqarsinnaatitaavutit

Pisinnaatitaaffikka qanoq atorsinnaavakka?

Uagutsinnut attaveqarnikkut, assersuutigalugu inummut attaveqaataasumut e-mailimik nassiussinikkut pisinnaatitaaffinnik atuutsitsisinnaavutit aamma atuisinnaavutit. Paasissutissanik ilinnut tunngasunik suliaqarnerput inatsisinut naapertuutinngippat nakkutilliisoqarfimmut (Paasissutissanik illersuinermi ombudsmandimut, tietosuoja(at)om.fi) nalunaaruteqartuaannarsinnaavutit.

Tatigeqatigiinnermut politikki una nutarterneqarsinnaava?

Tatigeqatigiinnermut politikki una suliavut allanngorpata ineriartorpataluunniit nutartersinnaavarput. Aamma inatsit allannguuteqarpat tatigeqatigiinnermut politikki una nutarterneqartariaqalersinnaavoq. Tatigeqatigiinnermut politikki nutarterlugu saqqummiutereerutsigu allannguutit atuutilerumaarput. Taamaammat ilaanneeriarlutit qupperneq una alakkartaruk unalu tatigeqatigiinnermut politikki atuarlugu.

Nutaarsiassaatitsinnik pisartagaqalerit Nutaarsiassaatitsinnik pisartagaqalerit

Nutaarsiassaatitsinnik pisartagaqalerit projektillu ingerlaarneranut malinnaaqataalerlutit.

lmallugu

Attavigitigut

Ilisimatusarnermi Ataqatigiissaarisoq (Scientific Coordinator)

Prof. Thora Herrmann
University of Oulu
thora.herrmann@oulu.fi

Projektimi Aqutsisoq (Project Manager)

Dr Élise Lépy
University of Oulu
elise.lepy@oulu.fi

Attaveqarnermut (Communication)

Paavo Antikainen
Kaskas
paavo.antikainen@kaskas.fi

Innovative Community Engagement for Building Effective Resilience and Arctic Ocean Pollution-control Governance in the Context of Climate Change

ICEBERG has received funding from the European Union's Horizon Europe Research and innovation funding programme under grant agreement No 101135130

Tatigeqatigiinnermut politikki